تكملة القصة

موضوع: تكملة القصة الخميس سبتمبر 06, 2007 10:14 pm

الجزء الثاني والأخير

[color=white][color=white]قلت له وانا احاول اقرب عنده اهديه:وش بلاك ياخالد انا وش سويت ياخوي؟! رجع يحاول يتهجم علي وابعدوني عنه بسرعه..لا تقول ياخوي انا لاني اخوك ولا اتشرف اكون اخوك وبصوت تخالطه البحه من شدة الصراخ وهو يمسك راسه بين يدينه بعصبيه..وبعدين لا تقول وش سويت ياحقير لا تنرفزني زياده...خفت عليه كان يصارخ ما يتكلم ويطلع كلامات زي السم...لما ما تكون قد الكلام اللي تقوله لا تقعد تتفلسف علي يا اكبر كذاب..قال سامي..خالد وش هالكلام؟!! كبر عقلك وخلنا نفهم القصه...صرخ فيه..انتم لا تتدخلون ورجع يطالعني وهو يضرب على صدره بقهر واضح..انت ما شفتني اموت فاليوم عشرين مره وانا احاول بكل ما فيني اني اوقف زقاير ليش تقولهم اني كنت ادخن ليش؟!...كنت هاللحظه زي الغبي وعيوني بتطلع من مكانها رديت.. خالد انا قلت لك محد جاني ولا احد سألني--..كلامي زاد ثورته وقام يتحرك زي المجنون..هذا اللي يبي يذبحني، بندر لا تكذب لا تكذب ما ابي اسمع منك ولا كلمه صحيح انهم رفضوني بس ما يهم البنت بدالها الف وبدت نبرة صوته تخف حدتها..لكن انت ليش سويت كذا يا بندر ليش؟! الكلام اللي قلت لي ذاك اليوم كان كله كذب وتمثيل؟!!على الأقل ليش توعدني وتخلف لو قلت انك بتعلمهم كان تفهمت الموضوع, انت حطيتني في اصعب موقف، معقوله استخسرت السعاده اللي انا كنت عايشها ولا قدرت تستحمل فكره اني ابعد عنك ، وبعد فترة دق علي خالد طالعت الجوال وأنا مستغرب و بعدين عطيته مشغول و قفلت الجوال ، وبعد فترة دق علي أخو خالد الكبير ، ورديت عليه ، لأني احترمه ، وقال لي : إن الموضوع في لبس ، طلع إلي قايل لأهل البنت ولد جيران بندر ، وطلب مني إني أسامح أخوه ، طيب بعد ذلك دخلوا الشباب في الموضوع ويحاولون إني أسامح خالد ، وجاني خالد يحاول فيني ، يمكن تلوموني على عنادي ، لكن كل إنسان له كرامة وأن كرامتي ما سمحت لي ، لأن كل هالضرب طلع بسبب تشابه أسماء ، وفي يوم من الأيام شفت ميه مكالمة من طلال ورجعت ادق عليه قلت اكيد ان خالد يبيه يتوسط بيننا لانه يعرف معزة طلال عندي لما فقد الامل فيني , وبعدين انا خلاص وصلت عندي ابي كل هالسالفه تنتهي ودقيت وانا فرحان...مرحبا طلال... هـ...هـ لا.. بندر..صوته ابدا ما عجبني واختفت الأبتسامه...طلال خير انشاءالله عسى ماشر,معليش ماكنت عند الجوال قبل شوي بغيتني في شي؟!... الرجال بدى يتنهد وحسيت ان في شي مو زين صاير ...بندر انا لي ساعه احاول ادق عليك لكن ----....طلال ياخوك لا تلعب باعصابي قلي وش فيكم؟!...انا ذاك الوقت الهواجس لعبت فيني لعب قلت ابوهم توفى لانه كان رجال كبير فالسن ومريض من زمان والا اخوهم الصغير تركي اللي كان عنده ربو حاد جاه شي, كل شي مر في بالي وكنت طول الوقت افكر بس في خالد وشلون بيتقبل هالاشياء وانا اعرف غلا ابوه واخوانه عليه وعزمت اني انسى كل اللي صار و اوقف معه في محنته كل هذا قبل لا ينطق طلال بحرف ... خـالـد يا بندر-----!! لما سمعت الاسم حسيت ان قلبي وصل حلقي ولا عاد قدرت اتكلم او حتى اتنفس,وبصعوبه...خـ-خـ--الد وش---فيه حراااااام عليك تكلم؟؟!! كنت انتفض وركبي ما عاد تشيلني... خالد يطلبك الحل يابندر ادع له بالرح---وخنقته العبره,اما انا فكنت ساكت,ولاعاد اشوف شي قدامي قعد يتكلم كلام ما فهمت منه شي اللي قدرت استوعبه انه الظهر صار له حادث والظاهر انه كان متوجه لبيتي وتوفى فالمستشفى...قفلت الجوال, كنت واقف وبحركه بطيئه قعدت على الارض وبعدين انسدحت عالأرض وقعدت اناظر السقف لفتره طويله ويدي على راسي فقدت الاحساس بكل اللي حولي, لا دموع ولا كلام ولا صدر مني أي ردة فعل..طلعت بسيارتي امشي فالشوارع بدون هدى ما وعيت الا انا فالمجمعه ديرة خالد اللي تبعد عن الرياض حوالي الساعتين وياما زرناها سوى, وقفت السياره قدام فلتهم اللي يجونها ايام الشتاء، لما جا الليل رجعت للرياض..

[color=#000000]دخلت البيت ورحت لغرفتي وقعدت اتقلب في فراشي تصوروا كل هذا بدون أي احساس الظاهر اني ما كنت مستوعب المصيبه اللي انا فيها, لما جا الصبح رحت لبيتهم على طول وقبل اوصل دق علي طلال... الو...هلا بندر اذا ودك تسلم عليه وتودعه قبل الدفن تعال للمغسله اليوم قبل صلاة العصر.. دخلت المغسلة و شوي شوي قربت من عنده وشفت منظر في حياتي ما مر علي مثله, حسيت الدم وقف في عروقي لما شفته انهارت كل حصون المقاومه والصبر اللي بنيتها , ما ادري وشلون اشرح الوضع كانوا حاطينه على شي زي الطاوله ومرتفعه عن الارض بمسافه قليله ,مغطين جسمه بشراشف بيضاء الا وجهه وجزء من صدره, كانت عينه وجزء من جبهته متحوله للون الازرق من فعل الصدمه اما خده ورقبته كانت فيها جروح بسيطه ,لكن واضح ان تركيز وقوه الصدمه كلها جت على صدره, كان زي اللي نايم بس بدون أي اثر للحياه والظاهر اني ما صدقت الخبر لين شفته بعيوني, فقدت اعصابي في ذيك اللحظات وصرخت صرخه مريعه، حضنته بين يديني وقعدت اصيح بحرقه زي الاطفال, دخلوا علي بعض اخوانه يوم سمعوا صوتي وحاولوا ياخذونه مني لكني كنت متمسك فيه بقوه.. يابندر قل لا اله الا الله لا تسوي في نفسك كذا ترى ما يجوز...وانا اصرخ من كل قلبي احس اني فقدت عقلي للحظات... اتركوني خالد يا اخوك رد علي , كلمني ياخالد ,طلال خالد ليش بارد؟؟ليش تاركينه كذا؟؟ ليش ماغطيتوه؟؟ حرام عليكم... نزل راسه وانسابت الدموع من عيونه...انا لله وانا اليه راجعون...تعال معي يا بندر تعوذ من الشيطان وخلنا نطلع...وانا احاول اكلمه..ياخوك وين رحت وتركتني؟!!انا من لي غيرك ياخالد؟؟.. ودموعي سيول واخوانه يحاولون يفكون يدي عنه..

وبعد جهد قدروا ياخذونه من بين يديني بعد ما بين اثر ضغطي على جسمه، وانا منهار وفي حال مايعلم فيها الا الله سبحانه, كل لحظه انادي بأسمه..جابوا لي كرسي وقعدوني عليه وانا كني معهم ومو معهم... واحد من اخواله شيخ كبير من الناس اللي فيه خير وصلاح والله هاديهم قعد يمسح على راسي وصدري ويقرى علي قرآن لين هدت نفسيتي شوي ناظرت فيه...خالد صدق راح يا خال؟!...شد على يدي وهز راسه ورجعت دموعي ويدييني على راسي وانا اهز على الكرسي..مايصير يا خال والله ما يصير...قعد يستغفر وانا على حالي، كنت مفجوع الله لا يفجعكم في حبيب...

رحنا نصلي عليه كان المسجد مليان واللي برى اكثر من اللي داخل, كان الله يرحمه رغم صغر سنه انسان محبوب من الجميع صغار وكبار, وفي المقبره مع الزحمه وكل هالعالم اللي حولي الا اني حسيت بوحده رهيبه,كنت بعيد عن الجماعه ما ابي احد يعرفني او حتى يشوفني رغم اني عارف ان الكل يسأل عني تلثمت بشماغي ولبست نظارتي الشمسيه ووقفت بعيد عنهم.

جاني تركي واللي كان له غلا كبير عند خالد بحكم انه الصغير وكان دايم يقول انه رغم صغر سنه الا انه كان حكيم ويفهم اكبر من عمره بكثير,كان عمره تقريبا ذاك الوقت12سنه سلم علي وحضنته وانا احاول اتماسك قدامه ولكم ان تتصورون مقدار صعوبه الأمر خاصه انه يشبه خالد كثير قال لي:بندر خالد كان يعزك اكثر من أي واحد في هالمكان وكلهم مجتمعين حوله الا انت!!لا تتخلى عنه في هاللحظات عشان ما تندم باقي حياتك, تشجع وادع ربي انه يصبرك بس لا تحاول انك تهرب من احزانك بهربك من هالموقف... كانت كلمات عظيمه اثرت فيني وشفت في هالطفل اللي فقد اخوه في حادث مفجع الصبر بمعناه الحقيقي,لميته لصدري مره ثانيه وكنا نواسي بعض بخسارتنا الكبيره, مسكت يده وتوجهنا لهم...استعدوا للدفن وسمعت اخوانه ينادوني...قلت لهم اني انا اللي بنزل فالقبر واحطه ونزل معي واحد من اخوانه يساعدني...سلمونا اياه من فوق وحطيته وانا ادعي له واذكر الله طول الوقت ،

(الأخير)

اقترح علي شيخ فاضل من اهلنا اني احفر له بير في وحده من الدول الأفريقيه الفقيره واسميه بأسمه الله يرحمه عشان ارتاح بعد وعلمني عن الأجر الكبير اللي بيجيه انشالله وفعلا سويت هالشي كنت تعبان من جد اشوفه في كل الوجيه واسمع صوته في كل الاصوات وذكرى اخر يوم شفته فيها ما تفارقني ابد .

في عيون الناس اشوف اشياء كثيره، بعضهم يذكروني دايم ان خسارتي مو بسيطه وبعضهم وحشتهم شوفتنا مع بعض وهذا يتعبني زياده .

[color:1592=#000000:1592]واللي يصعب الوضع علي بعد اني وين ما التفت القى ذكرياته ماليه حياتي، اثاث غرفتي اللي اخترناه سوى لما انتقلنا لبيتنا سيارتي اللي اختار لونها وساقها قبلي وعطره اللي للحين في درجها ياغلاة اللي راح .

[color:1592=#000000:1592]لكن كل ما اتذكر ان ذاك الانسان كان صديقي ورفيقي القريب في يوم من الايام افرح وابتسم واعرف ان الله يحبني اللي رزقني بأخ مثله والله يعوض عليه شبابه في الجنه انشاء الله واذا كنتم تقدرون تناظرون في عيون ربعكم اليوم وتسمعون حسهم في هالدنيا احمدوا ربكم على هالنعمه وحطوهم على راسكم دوم خاصة الناس اللي يستاهلون صدق واعرفوا انكم محظوظين لان غيركم ما يملك ولا بعض اللي عندكم, اما بالنسبه لي مابعد خالد احد والله يجمعني فيه بالجنه انشاء الله .

[color:1592=white:1592]انا عرضت قصتي على الناس عشان تاخذ منها عبره وفاته شي مقدر ومكتوب لكني ابتعدت عنه في اخر شهرله في حياته, بسبب تافه جدا متخيلين قمة القهر والألم؟! هو غلط رحمة الله عليه وانا عاندت لكن اللي صار بيننا ما كان يستاهل اللي سوينا وهذا اللي دايم يسونه الناس يخسرون احبابهم وربعهم باسباب تافهه, يتركون الشيطان

دائما الاشياء التافه تخلق مشاكل بيننا دون ان نعلم والله يصبره على المصيبة

وشكر اخي الاسطورة مرة اخرى على القصة الممتعة والى الامام

حياك الله ومشكور على الرد

مشكور قصة رائعة

شكرا على مرورك البطل

إلى الأمام

لكن لو تغير اللون عيوني

مشكوور على مرورك المقدام ولكني كنت كاتبها على الستايل القديم