لا تفوتكم القصة

الصداقة

الجزء الأول

[color=#000000]الصداقة من أقوى العلاقات الانسانية,علاقة يميزها أنها تجمع عدة مشاعر واحاسيس في اطارها مثل المحبه ،التضحيه وغيرها.

يمكن اغلبنا أو اقدر أقول يمكن كلنا حصلت له مواقف مع أصدقاءه منها الحلو ومنها المر, منها اللي تقوي العلاقة ومنها اللي تنهيها.

قصتي تتكلم عن هالموضوع,تقدرون تقولون أنها تحمل مشاعر أكثر منها أحداث لكني قررت بعد تفكير طويل إني اعرضها للناس عشان يستفيدون منها.

إحنا كمجتمع للرجال حدود الصداقة غالبا معروفه عندنا واغلبها تكون للوناسه والمصلحة,أنا ما أقول الكل بس أكثرها لكن اللي صار معي شي ثاني ، ويروي لنا صاحب القصة ما حصل له : في عام 1408هـ ,كنا تونا منتقلين لمدينه الرياض والدراسة بدت من أسبوعين تقريبا كنت في سنه رابعة ابتدائي دخلت فصلي الجديد وسوا الاستاذ تعارف بسيط بيني وبين الطلاب,لما جا وقت الراحه طلع الجميع الا انا ,دخل ولد اسمراني شعره حوسه واسنانه الاربع الاماميه اللي متكسر واللي طايح,مشمر اكمامه ووجهه كله مخوش وحالته لله الا انه رغم كل هالبلاوي فيه شيء يخليها مو باينه!!..

قعد يحوس في شنطته ساعه وكل دقيقه يطلع خرابيط وكل شوي يرفع عينه عندي واخيراطلع منها نبيطه,وقبل لا يطلع التفت علي وكان من النوع الي كنه بينطحك وهو يطالع، منزل راسه شوي ومعبس طول الوقت بس كانت بريئه اكثر من ان تكون مرعبه!! وقال بلدغه طفوليه سببها واضح وهو اسنانه اللي حالتها صعبه:انت الحين ليش جالس لحالك؟..كانت هاذي اول جمله سمعتها من الانسان اللي صار بعد كذا أغلى البشر على قلبي, كان معروف عني اني انطوائي ومنعزل هاذي طبيعتي حتى اني اتوتر لما يكلمني احد ما اعرفه رديت عليه:بس كذا انا ما ابي اطلع وبعدين انا ما اعرف احد هنا...وبنفس النظرات اللي والله اعلم انها كانت عاده عنده...تعال معي وانا اعرفك على نص اللي فالمدرسه... كان يجرني من يدي وانا اسحبهابخوف...لا لا انا كذا مرتاح قلت لك ما ابي اطلع...لكن الولد اصر لين طلعني معه بالغصب,وزي ما قال عرفني على نص المدرسه تقريبا لكن تبون الصدق حسيت اني تعلقت فيه هو!!يمكن عشان شخصيته عكسي تماما اجتماعي,خفيف دم والكل يحبه ويحاول يتقرب منه صحيح انه كان شيطاني ومشاغب لكنه ماكان يتعدى على احد!! حسيت اني مبهور بشخصيته ورغم انه ذكي جداً الا انه فالدراسه ما كان بالحيل بس كان يعرف يمشي عمره من يومه صغير.

وعلى كثر الاولاد اللي يعرفهم الا انه بعد تعلق فيني فوق ما تتصورون صرنا ما نتفارق ابد ولا يشوفون واحد فينا بدون الثاني.

مرت السنوات وصداقتي تزداد قوتها مع خالد..مرت علينا سنين الطفوله والمراهقه وحنا سوى ودخلنا الجامعه وتخرجنا وحنا ما عمرنا تفارقنا,حتى في السفر ما اذكر ان واحد سافر بدون الثاني الا اذا كانت السفره مع الاهل,اغلب الناس اللي يعرفونا يحاولون ياخذونا قدوه وكثير منهم يضربون المثل في صداقتنا,يمكن تتسآءلون وش سر هالصداقه العميقه؟!! شي واحد كنا نطبقه بدون ما نحس من يوم حنا صغار,شي عجزت اغلب الناس انها تفهمه في تعاملها مع بعض، وهو ان كل واحد فينا كان متقبل الثاني بكل ما فيه من العيوب ولا عمر واحد فينا حاول يغير الثاني ويمشيه على طريقته برغم الأختلاف الكبير بينا..

خالد كان فيلسوف بالفطره وبسبب علاقاته الكثيره، وكنت اتعلم منه كثير,لما اسأله كيف يقدر يجمع كل هالناس حوله كان يقول كلمات بسيطه لكن تركت فيني اثر كبير كان يقول:اسمع يابندر الناس لها مشاكلها وكل واحد فهالدنيا صدقني منشغل في نفسه ولا احد تهمه مشاكلك فاذا تبي الناس يحبونك انسى نفسك وفكر فيهم وكيف تساعدهم في حياتهم بقد ما تقدر.

قصتي الاساسيه اللي ابيها توصلكم مو في كيفيه صداقتنا لاني مهما شرحت ماراح اقدر اوصلكم مدى عمقها لكن الحدث اللي قلب حياتي ولا أظن ترجع زي ما كانت.
يوم من الأيام أتى خالد وواضح على ملامحه أنه مستانس وجاء ونادني من بين الشباب ، وقال لي : يا بندر أنا خطبت ، حسيت بشيء في نفسي يمكن إني خايف أن المرأة إلي بياخذها تغير العلاقة إلي بينا ، وبعد ماراح وخطب ، قال لي : يا بندر هم سألوني أن كنت أدخن ، قلت لهم : لا ، وأنا صحيح يا بندر ناوي أترك التدخين ، وبعد أسبوعين من الخطبة وخالد لم يدخل زقارة في فمه ، وفي يوم من الأيام دخل خالد علي مع الشباب في الإستراحة بغير الوجه المعهود عنه ، فتح باب الغرفه والتفت اسلم عليه ماحسيت الا واحد يرفعني من القلابي ويلزقني عالجدار بقوه,لما حاولت اعرف من هو الا هو خالد كان معصب ويصرخ في وجهي ويدفع جسمي عالجدار بطريقه عنيفه, كنت مصدوم واطالع فيه مو فاهم شاللي صاير حتى ربعنا يطالعون بتعجب ولما استوعبوا ان السالفه هوشه قاموا يفكونه عني, في هاللحظه انا للحين ما بعد استوعبت الموقف بس يوم شفتهم يسحبونه عني حسيت انهم اوجعوه بديت ابعدهم معه واحاول احميه بيديني كنت خايف عليه وجسمه صار احمر من تسحيبهم الشديد وانا لهاللحظه ما ادري وش صاير لكنهم كانوا اكثر منا وقدروا يمسكون كل واحد في جهه، سامي كان يسأل خالد بعصبيه: انت صاحي؟!! وش جاك انهبلت؟!وش صاير؟!ورد خالد بصوت انسان ثاني ما عرفه وياليته ما تكلم: اسأل هالجبان اللي قدامكم وش سوى لا تسألوني انا.. في هالوقت بديت استوعب الموقف...خالد قدامي في حاله عمري ما شفته فيها,معصب والكلام يطلع مقطع منه بسبب تنفسه السريع,نظرته ماغيرها تطل من عيونه بس الحقد حل محل البراءه؟؟كان كل شوي يحاول يتخلص من يدينهم عشان يضربني!! تصوروا!!بعد كل هالعمر وهالعشره يضربني انا بندر صديق عمره ورفيق دربه.
[color:cbb2=#000000:cbb2]

التكملة بعد ما أشوف الردود

متحمس للجزء الثاني عجل

البراءه؟؟كان كل شوي يحاول يتخلص من يدينهم عشان يضربني!! تصوروا!!بعد كل هالعمر وهالعشره يضربني انا بندر صديق عمره ورفيق دربه.

شوقنا وحمستنا فأكمل أكمل بارك الله فيك

مميل الطاقية يتكلم : نعم قراتها واتمنى عدم اللقافة

الإحسائي

خلاص نسويه أنا وياك

و المشرف العام يصورنا

وش رايك ؟؟

وووووووووووووووووين الجزء الثاني

موجود موضوع مستقل اسمه تكملة القصة